วิสฺสชฺชนา – สาวตฺถิยํ ภนฺเต ปญฺญตฺตํ, ฉพฺพคฺคิเย ภิกฺขู อารพฺภ ปญฺญตฺตํ, ฉพฺพคฺคิยา ภนฺเต ภิกฺขู ภิกฺขูหิ สทฺธิํ ภณฺฑนฺตา โอมสิํสุ ตสฺมิํจ วตฺถุสฺมิํ, ฉพฺพคฺคิยา ภนฺเต ภิกฺขู ภิกฺขูนํ ภณฺฑนชาตานํ กลหชาตานํ วิวาทาปนฺนานํ เปสุญฺญํ อุปสํหริํสุ, ตสฺมิํ ภนฺเต วตฺถุสฺมิํ ปญฺญตฺตํฯ

1. มุสาวาทวคฺค, 4. ปทโสธมฺม สิกฺขาปุจฺฉา

ปุจฺฉา – อนุปสมฺปนฺนํ อาวุโส ปทโส วาเจนฺตสฺส ปาจิตฺติยํ กตฺถ ปญฺญตฺตํ, กํ อารพฺภ กิสฺมิํ วตฺถุสฺมิํ ปญฺญตฺตํฯ

วิสฺสชฺชนา – สาวตฺถิยํ ภนฺเต ปญฺญตฺตํ, ฉพฺพคฺคิเย ภิกฺขู อารพฺภ ปญฺญตฺตํ, ฉพฺพคฺคิยา ภนฺเต ภิกฺขู อุปาสเก ปทโส ธมฺมํ วาเจสุํ, ตสฺมิํ ภนฺเต วตฺถุสฺมิํ ปญฺญตฺตํฯ

1. มุสาวาทวคฺโค 5. สหเสยฺย สิกฺขาปุจฺฉา

ปุจฺฉา – อนุปสมฺปนฺเนน อาวุโส อุตฺตริทิรตฺตติรตฺตํ สหเสยฺยํ กปฺเปนฺตสฺส ปาจิตฺติยํ กตฺถ ปญฺญตฺตํ, กํอารพฺภ กิสฺมิํ วตฺถุสฺมิํ ปญฺญตฺตํฯ

วิสฺสชฺชนา – อาฬวิยํ ภนฺเต ปญฺญตฺตํ, สมฺพหุเล ภิกฺขู อารพฺภ ปญฺญตฺตํ, สมฺพหุลา ภนฺเต ภิกฺขู อนุปสมฺปนฺเนน สหเสยฺยํ กปฺเปสุํ, ตสฺมิํ ภนฺเต วตฺถุสฺมิํ ปญฺญตฺตํฯ